مسجدالحرام میں چینی زبان میں بھی اسلامی تعلیمات کا آغاز

ذرائع: مسجد الحرام میں اسلامی تعلیمات 13 زبانوں میں فراہم کی جارہی ہیں جس میں اب چینی زبان کا بھی اضافہ ہوگیا۔ عرب میڈیا کے مطابق مسجدالحرام میں انگریزی، اُردو، فارسی، بنگالی، ہندی، فرانسیسی، ہاؤسا، ترکی، ملیالم، انڈونیشی، ٹامل، روسی اور بورنیو کے بعد اب چینی زبان میں بھی اسلامی اسباق پڑھائے جائیں گے۔ مسجدالحرام اور مسجدنبویؐ اُمور کے جنرل سکریٹری شعبہئ ترجمہ کے ڈائرکٹر نے بتایا کہ سعودی طلباء کو چینی زبان سکھانے کے معاہدہ کے بعد اب مسجدالحرام میں بھی دنیا کی



دیگر بڑی زبانوں کی طرح چینی زبان میں اسلامی تعلیمات کا آغاز کردیا گیا، نیز چینی وزیرتعلیم کے ساتھ طئے پانے والے معاہدہ کا مقصد قرآن کی تعلیمات کو زیادہ سے زیادہ زبانوں میں پڑھانا ہے؛ تاکہ عربی نہ بولنے والے بھی اسلام سیکھ سکھیں۔ یہ اقدام اُس وقت سامنے آیا ہے جب چین کے صدر نے حال ہی میں سعودی عرب کا دورہ کیا اور کئی اہم معاہدوں پر دستخط کئے۔ ماہرین نے اُمید ظاہر کی ہے کہ سعودی عرب میں چینی زبان سکھانے کے کورسیس سے 50ہزار افراد کو روزگار ملے گا اور چینی سیاحوں کی تعداد میں بھی اضافہ ہوگا۔